گر چاہیے حکومت ہے لازمی سیاست

بے شک برائے عظمت ہے لازمی سیاست

مکر و فریب سے گر ہے قوم کو بچانا

بہر دفاع امت ہے لازمی سیاست

تعلیم و معیشت کا بحران دور ہوگا

کرنی ہے گر تجارت ہے لازمی سیاست

اب اس جہاں میں کوئی نہ کام تیرا ہوگا

گر ہے عمل سے رغبت ہے لازمی سیاست

فرش زمیں پہ ظالم کی حکمرانی کیوں ہے؟

کرنے کو اب بغاوت ہے لازمی سیاست

رہبر کی کرسیوں پر قبضہ ہے رہزنوں کا

کرنی ہے گر حفاظت ہے لازمی سیاست

تیرا وقار و شہرہ ہے مٹ گیا جہاں سے

بہر حصول شہرت ہے لازمی سیاست

یوں قوم کیوں جہاں سے ہے خوف زدہ ازہر

بہر بحال سطوت ہے لازمی سیاست

نتیجۂ فکر:- محمد کہف الوری مصباحی

نائب صدر: لمبنی پردیس، راشٹریہ علما کونسل، نیپالنگران اعلی: فروغ اردو زبان، تعلیمی شاخ، ڈڈوا گاؤں پالکا، وارڈ نمبر 2، ضلع بانکے نیپالموبائل نمبر+9779814516787