🌼 سَیّدنا غَوثِ اَعظم:

(سَوانِحِ حَیَات ایک نظر میں)

🌅 آپ کی وِلادَتِ بَاسَعَادَت مُلکِ اِیرَان کے صُوبَۂ طبرِستَان کے علاقہ  گیلان یا جیلان کے نَحِیف نامی قصبہ میں سَادَات خاندان (جو دو تین پُشتوں سے یہاں آباد تھا) میں ہوئی۔
جس کی وَجہ سے آپ جیلانی یا گیلانی کے لقب سے مُلَقَّب ہوئے۔
ایک روایت میں آپ کی پیدائش اُنتِیس شَعبَان ســـنه ٤٧٠ ھ میں ہے۔
لیکن آپ کی صَحِیح تاریخِ پيدائش یَکُم رَمَضَانُ المُبَارَک ســـنه ٤٧٠ ھ بَوَقتِ شَب ہے۔
(📖 بہجۃالاسرارومعدن الانوار/ ذکرنسبہ وصفتہ ، ص۱۷۱/ الطبقات الکبرٰی للشعرانی/ ابو صالح سیدی عبدالقادرالجیلی، ج۱ ، ص۱٧٨)

🌼 غَوثِ اَعظم رَضِىَ اللّٰهُ عَنهُ کے آبَاء و اَجدَاد:
 
❇ آپ کا خاندان صَالِحِین کا گھرانا تھا آپ کے داداجان ، ناناجان ، والد ماجد ، والدهٔ محترمہ ، پُھوپھی جان ، بھائی اور صَاحبزادگان سب مُتَّقِی و پرہیزگار تھے.
اسی وجہ سے لوگ آپ کے خَاندان کو اشراف کا خَاندان کہتے تھے۔
 
سَیِّد و عَالِی نَسَب دَر اَولیَاء اَست
نُورِ چَشمِ مُصطفےٰ و مُرتَضےٰ اَست
 

🌼 آپ رَضِىَ اللّٰهُ عَنهُ کے وَالدِ مَاجِد:
 
❇ آپ کے والدِ مُحترم حضرت سَيّد اَبُوصَالِح مُوسیٰ جَنگی دوست رَضِىَ اللّٰهُ عَنهُ تھے.
آپ کا اِسمِ گِرامی ”سَیِّد مُوسیٰ” کُنّيَّت ”اَبُوصَالِح” اورلقَب ”جَنگی دوست” تھا.
آپ جیلان شریف کے اکابر مَشائِخ کِرام رَضِىَ اللّٰهُ عَنهُم میں سے تھے۔
 

🌼 لقَب ”جَنگی دوست” کی وَجہ:
 
❇ آپ رَضِىَ اللّٰهُ عَنهُ کالقَب جَنگی دوست اس لیے ہوا کہ آپ خَالِصَۃً اللّٰه کی رضا کے لیے نَفس کُشِی اور رِیَاضَت و مُجَاهِدَه میں یَکتَائے زمانہ تھے.
نیکی کے کاموں کا حُکم کرنے اور بُرائی سے روکنے کے لیے مشہور تھے اور اس معاملہ میں اپنی جَان تک کی بھی پَروا نہ کرتے تھے.

💎 چُنانچہ ایک دن آپ جامع مسجد کو جا رہے تھے کہ خَلِیفَۂ وَقت کے چَند مُلازِم شَرَاب کے مَٹکے نہایت ہی اِحتیاط سے سَروں پر اُٹھائے جا رہے تھے ،
آپ نے جب اُن کی طرف دیکھا تو جَلال میں آگئے اور اُن مَٹکوں کوتوڑ دیا۔
آپ کے رُعب اور بُزرگی کے سامنے کسی ملازم کو دَم مَارنے کی جُرأت نہ ہوئی تو اُنہوں نے خَلِیفَۂ وَقت کے سامنے واقعہ کا اِظہار کیا اور آپ کے خِلاف خليفہ کو اُكسايا ،
تو خَليفہ نے کہا:
”سَیّد مُوسیٰ (رَضِىَ اللّٰهُ عَنهُ) کو فَوراً میرے دَربار میں پیش کرو۔”
چُنانچہ آپ کو دَربار میں پیش کیا گیا.
خَلیفَہ اُس وقت غَیظ و غَضَب كے عَالَم ميں کُرسِی پر بيٹھا تھا،
خَليفہ نے للکار کر کہا:
”آپ کو میرے مُلازمین سے اُلجهنے کی جُرأت كيسے ہوئی؟”
آپ نے فرمایا:
”میں مُحتَسِب ہوں اورمیں نے اپنا فرضِ مَنصَبِی اَدَا کیاہے۔”
خلیفہ نے کہا:
”آپ کس کے حُکم سے مُحتَسِب مُقَرَّر کئے گئے ہیں؟”
آپ نے رُعب دَار لہجَہ میں جواب دیا:
”جس کے حُکم سے تم حُکومَت کر رہے ہو۔”
آپ کے اس اِرشاد پر خَلیفہ پر ایسی رِقَّت طاری ہُوئی کہ سَربَزَانُوں ہوگیا (یعنی گھُٹنوں پر سَر رَکھ کر بَیٹھ گیا) اورتھوڑی دیر کے بعد سَر کو اُٹھا کر عَرض کیا:
”حُضُورِ وَالا ! اَمر بِالمَعرُوف اور نَہِی عَنِ المُنکر کے عِلاوَہ مَٹکوں کو توڑنے میں کیا حِکمَت تھى؟”
آپ نے اِرشَاد فرمایا:
”تمہارے حَال پر شَفقَت کرنا نِیز تُجھ کو دُنیا اور آخرَت کی رُسوَائِی اور ذِلَّت سے بَچَانا۔”
خَلِیفَہ پر آپ کی اس حِکمت بھری گفتگو کا بہت اثر ہوا اور مُتأثّر ہوکر آپ کی خِدمَتِ اَقدَس میں عَرض گُزَار ہوا:
”عَالیجاہ! آپ میری طرف سے بھی مُحتَسِب کے عُہدَہ پر مَامُور ہیں۔”
آپ نے اپنے مُتَوَکّلانہ انداز میں فرمایا: ”جب میں حَق تَعَالیٰ کی طرف سے مَامُور ہوں تو پھر مجھے خَلق کی طرف سے مَامُور ہونے کی کیا حَاجَت ہے۔”
اُسی دِن سے آپ ”جَنگی دوست” کے لقب سے مشہور ہوگئے۔
 (📖 سِیرتِ غَوثُ الثَّقلین، ص۵۲)

🌼 آپ رضى اللّٰه عنه کا نَسَب شریف:

سیّد اَبُوصَالِح مُوسیٰ جَنگی دوست
بن سیّد اَبُو عَبدُاللّٰه جیلی
بن سیّد یَحیٰ زاهد
بن سیّد محمد مُورِث رُوحى
بن سیّد داؤد امير امجد
بن سیّد مُوسیٰ ثانی
بن سیّد عَبدُاللّٰه ثانى
بن سیّد مُوسیٰ جون
بن سیّد عَبدُاللّٰه محض
بن سیّد امام حَسَنِ مُثنّیٰ
بن سیّدنا امام حَسَنِ مُجتَبىٰ
بن سیّدنا علی المرتضی
رضی اللہ تعالیٰ عنہم اجمعین

💎 حُضُور غَوثِ اَعظم کی وَالدَہُ مَاجدَہ کا اِسمِ گِرامی سَیِّدَہ فَاطِمَہ اُمُّ الخَیر اَمَةُ الجَبَّار تھا جو خَاندَانِ سَادَاتِ رَضوِی (بَنِسبَتِ اِمَام عَلِى رَضَا) سے تھیں۔

🌼 آپ کی وَالدَۂ طَاہِرَہ کا شجرۂ نَسَب ذیل میں ہے۔

سَیِّدَہ اُمُّ الخَیر فَاطِمَہ
بِنتِ سَیِّد عَبدُاللّٰه صُومَعِی
بِن اَبِی جَمَالُ الدِّین مُحَمَّد
بِن سَیِّد مَحمُود
بِن سَیِّد اَبِی العَطَاء عَبدُاللّٰه
بِن سَیِّد کمَالُ الدِّین عِیسیٰ
بِن سَیِّداَبِی عَلاءُ الدِّین مُحَمَّد الجَوَّاد
بِن اِمَام عَلِی الرَّضَا
بِن اِمَام مُوسیٰ الکاظِم
بِن اِمَام جَعفَر الصَّادِق
بِن اِمَام مُحَمَّد بَاقَر
بِن اِمَام زَینُ العَابِدِین عَلِی
بِن اَلاِمَامُ الہمَام اَلحُسَین شَہیدِ کربَلا
بِن اَلاِمَامُ الہمَام اَمِیرُالمُؤمِنِین سَیِّدنَا عَلِی اِبنِ اَبِی طَالِب
رَضِىَ اللّٰهُ تَعَالىٰ عَلَيهِم اَجمَعِين.

🌅 يعنى سركار غوث اعظم رَضِىَ اللّٰهُ عَنهُ اپنے وَالدِ مَاجد کی نِسبَت سے حَسَنِی اور وَالدَۂ مَاجدَہ کی نِسبَت سے حُسَینِی سَیِّد ہیں۔
(📖 بہجۃالاسرار، معدن الانوار، ذکرنسبہ، ص۱۷۱)

✍🏻  سراج تاباؔنی ـ کلکتہ

  👑 👑 👑 👑 ـ 👑 👑 👑 👑

فَيضَانِ تَاجُ الشَّرِيعَہ علیہ الرحمہ جَارِى ہے

       

📖 شجرہ عالیہ غوثیہ و سلسلۂ بیعت و خلافتِ جدّیہ

🌼 سَیّدنا غوثِ اعظم:
آپ کی وِلادَتِ بَا سَعَادَت طبرستان کے مشہور شہر گیلان میں اُنتیس شَعبَانُ المُعَظم ســـنه ۴۷۱ ھ بلكہ يَكُم رَمَضَانُ المُبَارَک کی شَب میں تَہَجُّد کے وَقت ہوئی۔
ماہِ رَجَبُ المُرَجَّب ســـنه ۴۸۸ ھ میں اپنے وَالِدِ مُحتَرَم حَضرَت اَبُوصَالِح مُوسیٰ دوست جَنگی سے بَیعَت ہو کر سِلسِلۂ حَسَنِیَّہ جَدّیَہ میں خِلافَت پائی۔
۱۱ رَبِیعُ الآخِر یا ۱۷ رَبیعُ الآخِر ســـنه ۵۶۱ ھ میں رِحلت فرمائی۔
مَزَار شریف بَغدَاد شریف میں ہے۔

🌼 سَیّد نا اَبُوصَالِح مُوسیٰ:
۲۷ رَجَبُ المُرَجَّب ســـنه ۴۰۰ ھ میں گیلان میں وِلادَت ہوئی.
ســـنه ۴۶۰ ھ میں اپنے وَالِدِ مُکرَّم حضرت اَبُوعَبدُاللّٰه سے خِلافَت پائی۔
ســـنه ۱۱ ذیقعد ۴۸۹ ھ میں وِصَال ہوا۔
مَزَارِ مُبَارَک گیلان میں ہے۔

🌼 سَیّد اَبُوعَبدُاللّٰه جیلی:
۱۳ رَمَضَانُ المُبَارَک ســـنه ۳۶۵ ھ میں گیلان ہی میں آپ کی وِلادَت ہوئی۔
۱۴ رَجَبُ المُرَجَّب ســـنه ۳۸۷ ھ میں اپنے پِدرِ بُزرگوار حَضَرت یَحییٰ زاہد سے بَیعَت ہو کر خِلافت حَاصِل کی۔
رَبیعُ الاَوَّل ســـنه ۴۷۳ ھ میں وَفَات پائی۔
مَزَارِ مُبَارَک گیلان میں ہے۔

🌼 سَیّد نا یَحییٰ زاہد:
۱۷ شَعبَانُ المُعَظم ســـنه ۳۴۰ھ کو مَدَائِن میں آپ کی وِلادَت ہوئی.
ســـنه ۳۷۰ ھ میں اپنے وَالِدِ مُکرَّم حَضرَت مُحَمَّد روحِی سے خِلافت پائی۔
۲۴ رَمَضَانُ المُبَارَک میں وَفَات پائی۔
مَزَارِ مُبَارَک بَغدَادِ قَدِیم میں ہے۔

🌼 سَیّدنا مُحَمَّد مورِث روحِی:
۱۲ رَمَضَانُ المُبَارَک ســـنه ۲۹۹ ھ میں مَدِینَہ مُنَوَّرَہ میں وِلادَت ہوئی۔
وَالدِ گِرَامی حَضرَت دَاؤد اَمِیر سے ســـنه ۳۴۹ ھ میں بَیعَت ہو کر خِلافت پائی۔
۱۷ رَبیعُ الاَوَّل ســـنه ۴۱۵ ھ میں رِحلت فرمائی۔
قبرِ مُبَارَک جَنَّتُ البَقِیع میں ہے۔

🌼 سَیّدنا دَاؤد اَمِیر اَمجَد:
آپ کی وِلادَت ۱۱ شَعبَانُ المُعَظم ســـنه ۲۴۵ھ میں مَدِينَہ طیّبَہ میں ہوئی۔
ذِی الحِجَّہ ســـنه ۲۷۷ ھ میں اپنے وَالدِ مَاجِد حَضرَت مُوسیٰ ثانی سے خِلافت پائی۔
۱۲ شَعبَانُ المُعظم ســـنه ۳۲۱ ھ میں وِصَال فرمایا۔
مَزَار شریف آپ کا مَکَّہ مُکرَّمَہ میں ہے۔

🌼 سَیّدنا مُوسیٰ ثانی:
۶ مُحَرَّمُ الحَرَام ســـنه ۱۹۳ھ میں مَدِینَہ مُنَوَّرَہ میں وِلادَت ہوئی۔
رَبیعُ الآخِر ســـنه ۲۳۸ھ میں وَالدِ مُکرَّم عَبدُاللّٰه ثانی سے خِلافت پائی۔
مَاہِ صَفَرُالمُظفَّر ســـنه ۲۸۸ھ میں رِحلت پائی۔
مَزَارِ مُقَدَّس مَدِینَہ طیّبَہ میں ہے۔

🌼 سَیّدنا عَبدُاللّٰه ثانی:
۱۴ رَمَضَانُ المُبَارَک ســـنه ۱۵۲ھ میں مَدِینَہ طیّبَہ میں وِلادَت ہوئی.
رَبیعُ الاَوَّل ســـنه ۱۹۸ھ میں اپنے وَالدِ گِرَامِی سے خِلافت پائی۔
مَاہِ رَبیعُ الآخِر ســـنه ۲۱۳ھ میں جُمعَہ کے دِن وَفات پائی۔
مَرقَدِ پَاک مَدِینَہ مُنَوَّرَہ میں ہے۔

🌼 سَیّد نا مُوسیٰ جون:
رَجَبُ المُرَجَّب ســـنه ۱۰۳ ھ میں مَدِینَہ مُنَوَّرَہ میں وِلادَت ہوئی۔
ســـنه ۱۳۳ ھ میں وَالدِ مُحتَرَم حَضرَت عَبدُاللّٰه المحض نے خِلافتِ جَدّیَہ سے سَرفراز فرمایا.
مَاہِ جَمَادِی الآخِر ســـنه ۱۵۶ھ میں مَدِینَہ طیّبَہ میں رِحلت فرمائی۔
مَزَارِ مُقدَّس اسی سَرزمینِ پَاک میں ہے۔

🌼 سَیّدنا عَبدُاللّٰه المحض:
۱۱ رَبیعُ الآخِر بَروز دو شنبہ ســـنه ۷۰ھ میں مَدِینَہ مُنَوَّرَہ میں آپ کی وِلادَت ہوئی۔
شَعبَانُ المُعَظم ســـنه ۹۲ھ میں وَالدِ مَاجِد حَضرَت حَسَنِ مُثَنّیٰ سے خِلافت پائی۔
۱۸ رَمَضَانُ المُبَارَک ســـنه ۱۴۵ ھ میں وِصَال فرمایا۔
مَرقدِ مُبَارَک جَنَّتُ البَقِیع میں ہے۔

🌼 سَیّدنا حَسَنِ مُثَنّیٰ:
۱۲ رَمَضَانُ المُبَارَک ســـنه ۲۹ ھ میں آپ کی وِلادَت ہوئی۔
اپنے وَالدِ مُحتَرَم سَیّدنا اِمَامِ حَسَن سے ســـنه ۴۵ ھ میں خِلافت پائی۔
۱۷ رَجَبُ المُرَجَّب ســـنه ۹۷ ھ میں رِحلت ہوئی۔
مَزَار شریف جَنَّتُ البَقِیع میں ہے۔

🌼 اِمَامِ حَسَنِ مُجتَبےٰ:
۱۵ رَمَضَانُ المُبَارَک ســـنه ۳ ھ میں بَروز پَنج شنبہ مَدِینَہ طیِّبَہ میں وِلادَت ہوئی۔ جَنابِ فَاطِمَةُالزَّهرَا بِنتِ رَسُول اللّٰه صَلَّى اللّٰهُ تَعَالىٰ عَلَيهِ وَآلِهٖ وَسَلَّم آپ کی وَالِدَۂ مَاجِدَہ ہیں۔
رَبیعُ الاَوَّل ســـنه ۳۵ ھ وَالِدِ مَاجِد حَضرَت عَلِی کرَّمَ اللّٰهُ وَجہَہ سے خِلافت و اِمَامَت کا شَرَف پایا.
۲۸ صَفَرُالمُظفَّر ســـنه ۴۵ ھ میں جَامِ شَہَادَت نوش فرمایا۔
(رَضِىَ اللّٰهُ تَعَالىٰ عَلَيهِم اَجمَعِين)

✍🏻  سراج تاباؔنی ـ کلکتہ

  👑 👑 👑 👑 ـ 👑 👑 👑 👑

فَيضَانِ تَاجُ الشَّرِيعَہ علیہ الرحمہ جَارِى ہے