حسب سابق امسال بھی غلامان بہاؤالدین زکریا ملتانی کمیٹی وغوثیہ جماعت کولیانہ کی طرف سے مدرسہ اہلسنت عطائے غوثیہ کولیانہ میں 20 صفرالمظفر 1444 ھ مطابق 18 ستمبر 2022 عیسوی بروز اتوار [دوشنبہ کی رات] انتہائی عظیم الشان پیمانہ پر جلسۂ غوثیت کا اہتمام عقیدت واحترام کے ساتھ کیا گیا-
جلسہ کی شروعات مولوی محمدمشرف متعلم دارالعلوم انوارمصطفیٰ کے ذریعہ تلاوت کلام پاک سے کی گئی،بعدہ دارالعلوم انوارمصطفیٰ سہلاؤشریف ومدرسہ اہلسنت عطائے غوثیہ کولیانہ کے ہونہار طلبہ نے نعت وغزل [سندھی نعت ومنقبت] اور تقاریر پر مشتمل دینی ومذہبی ہروگرام پیش کیا-
پھر افتتاحی خطاب مولانا محمد اکبر سہروردی نے عظمت اولیائے کرام کے عنوان پر کیا،بعدہ یکے بعد دیگرے خطیب ہر دل عزیز حضرت مولانا جمال الدین صاحب قادری انواری نائب صدردارالعلوم انوارمصطفیٰ سہلاؤشریف وشہزادۂ مفتئ تھر حضرت مولاناعبدالمصطفیٰ صاحب نعیمی سہروردی ناظم اعلیٰ دارالعلوم انوار غوثیہ سیڑوا نے اولیائےکرام واصلاح معاشرہ سے متعلق بہترین خطاب کیا-
آخر میں خصوصی وصدارتی خطاب پیرطریقت رہبرراہ شریعت نورالعلماء حضرت علامہ الحاج سیدنوراللہ شاہ بخاری شیخ الحدیث وناظم اعلیٰ دارالعلوم انوارمصطفیٰ سہلاؤشریف نے عرس اولیائے کرام ودینی مجالس کی اصلیت اور ان کے مقاصد پر روشنی ڈالتے ہوئے لوگوں کو بتایا کہ عرس اولیائے کرام کا اصل مقصد یہ ہے کہ ہم سبھی لوگ ان کی مبارک زندگیوں کو اپنی نظروں میں رکھتے ہوئے ان کے نقوش قدم پر چلیں اور انہون نے ہمیں جو پیغامات دییے ہیں ان پر عمل پیرا ہوں،ارکان اسلام بالخصوص نماز پنجگانہ کی پابندی کریں،اپنے دلوں میں خشیت الٰہی پیداکرنے کی کوشش کریں-آپ نے اپنے ناصحانہ خطاب کےدوران سرتاج الصوفیاء والشعراء حضرت شاہ عبداللطیف بھٹائی علیہ الرحمہ کے عارفانہ کلام کی ایسی دلنشیں انداز میں تشریح وتوضیح کی کہ لوگ خوب محظوظ ہوئے-
خصوصی نعت خوانی کاشرف مدّاح رسول واصف شاہ ہدیٰ حضرت مولانا قاری محمدجاویدسکندری انواری مدرس دارالعلوم قادریہ انوارشاہ جیلاں دیراسر نے حاصل کیا-جب کہ نظامت کے فرائض طلیق اللسان حضرت مولانامحمدحسین صاحب قادری مدرس دارالعلوم انوارمصطفیٰ وحضرت مولانا خالدرضاصاحب سہروردی انواری مدرس مدرسہ فیض غوثیہ تالسر نے مشترکہ طورپر بحسن وخوبی نبھایا-
صلوٰة وسلام اور نورالعلماء حضرت علامہ پیرسیدنوراللہ شاہ بخاری مدظلہ العالی کی دعا پر یہ جلسہ اختتام پزیر ہوا-
اس دینی ومذہبی پروگرام میں خصوصیت کے ساتھ یہ علمائے کرام شریک رہے-
حضرت مولانا محمدشمیم احمدنوری مصباحی ،حضرت مولاناباقرحسین صاحب قادری برکاتی انواری دارالعلوم انوارمصطفیٰ،حضرت مولاناعبداللطیف صاحب قادری، حضرت مولانا دوست محمد صاحب سہروردی انواری،حضرت مولانا محمدصدیق سہروردی،مولانا محمد حاکم صاحب انواری،مولانامحمدشمار انواری،مولانا کبیراحمد سہروردی، مولانا نیازمحمد انواری،مولانا محمد عمرالدین سہروردی،قاری ارباب علی قادری،مولانامحمدعرس سکندری انواری وغیرہم