گورکھپور [پریس ریلیز] 13 اکتوبر 2022 عیسوی بروز جمعرات عالی جناب نورالحسن انصاری مرحوم ومغفور کے سالانہ برسی [فاتحہ] کے موقع پر ان کے برادران وشہزادگان کی طرف سے ان کے ایصال ثواب کی خاطر انتہائی عقیدت واحترام کےساتھ قرآن خوانی وجلسۂ عید میلادالنّبی ﷺ کا اہتمام کیاگیا-
صبح 8 بجے اجتماعی قرآن خوانی کی گئی اور بعد نماز مغرب جلسۂ عید میلادالنبی و ایصال ثواب کی شروعات حضرت حافظ وقاری محمداسحٰق صاحب قادری کی تلاوت کلام اللّٰہ کے ذریعہ کی گئی-
بعدہ مداح رسول جناب افروزعالم صاحب نے نعت رسول مقبول ﷺ پیش کیا-
پھر حضرت مولانا امیرالدین صاحب نظامی خطیب وامام مسجد بیت النور نے ایصال ثواب کے جواز اور اس کی شرعی حیثیت پر بہت ہی جامع تقریر کی،آخر میں حضرت مولانا انوار احمد صاحب نظامی خطیب وامام فردوس مسجد جمنہیاں باغ نے سیرت النبی ﷺ کے موضوع پر خصوصی خطاب کیا،آپ نے دوران خطاب وجہ وجود کائنات حضور نبی رحمت ﷺ کے ولادت باسعادت کے حالات و واقعات کو لوگوں کو بتاتے ہوئے آپ کی سیرت طیبہ کی روشنی میں لوگوں کو جملہ برائیوں سے اجتناب بالخصوص جھوٹ وچغلی سے بچنے کی تاکید وتلقین کی-اور جملہ اوامر شرعیہ بالخصوص نماز پنجگانہ باجماعت ادا کرنے کی تاکید ونصیحت کی-
نظامت کے فرائض مولوی شہزادعالم نے بحسن وخوبی نبھائی-
صلوٰة وسلام اور ادیب شہیر حضرت مولانا محمدشمیم احمدصاحب نوری مصباحی ناظم تعلیمات دارالعلوم انوارمصطفیٰ سہلاؤ شریف کی دعا پر یہ مجلس سعید اختتام پزیر ہوئی-
اس جلسہ میں یہ علمائے کرام ومعززین خصوصیت کے ساتھ شریک ہوئے-
حضرت علامہ ومولانا محمدہارون صاحب مصباحی استاذ مدرسہ مظہرالعلوم گھوسی پوروہ، گورکھپور،حضرت مولانا محمد ظہیر خان نظامی مہراجگنجوی،حضرت مولانا نصرالدین صاحب گورکھپوری، حافظ محمدانورصاحب نظامی،عالی جناب محمدشریف صاحب انصاری،جناب محمدحسن صاحب انصاری،جناب مہدی حسن صاحب، جناب نبی حسن صاحب،جناب ماسٹر قطب الدین انصاری،جناب جعفرعلی صاحب، جناب ابوالحسن عرف گڈو،جناب محمد سبحان انصاری، محمدعمر انصاری،جناب محمدآصف صاحب وغیرہم-