پری پیڈ اسمارٹ میٹر کے خلاف دستخطی مہم شروع، پچاس ہزار دستخط جمع کرنے کا ہدف

حاجی پور/دیسری(محمد آصف عطا) دیسری میں پری پیڈ اسمارٹ میٹر لگانے کے فیصلے کو واپس لینے کے لیے دیسری میں دستخطی مہم شروع کی گئی ہے۔دستخطی مہم کے آغاز کے موقع پر دھرم پور، ظفرآباد، افرول، غازی پور، مادھو پور، کھریکا، کھوکسہ، رام پور کچنی، لکھن پور، شاہ پور توئی، پاناپور، مدھول سمیت درجنوں دیہاتوں کے سینکڑوں لوگوں نے دستخط کرکے اپنا احتجاج درج کرایا۔مورچہ کے صدر کمل دیو سنگھ، سکریٹری رنجیت پنڈت، دیسری کے سابق سربراہ دلیپ سنگھ، سماجی کارکن وجے کمار یادو مورچہ کے شریک سکریٹری محمد رستم، سکم یادو، نائب صدر سنجیو کماریادو، خزانچی منیش کمار کے علاوہ، ابھیشیک کمار، رتنیش سنگھ، رام شریشٹھ سنگھ، محمد صدام انصاری، محمد اعجاز، رماکانت رائے، اویناش پٹیل کی موجودگی میں مورچہ کے صدر اور سکریٹری نے بتایا کہ پچاس ہزار دستخط تھے۔اس کے لیے دس دن کے اندر ایک ٹارگٹ مقرر کیا گیا ہے۔دستخطی مہم کے بعد یہ خط وزیر اعلیٰ کے حوالے کیا جائے گا۔